مرکز اطلاعات فلسطین کے مطابق حماس کے ترجمان سامی ابو زھری نے غزہ کی پٹی میں ایک نیوز بریفنگ میں کہا کہ حماس کو داعش کے ساتھ جوڑ کر عالمی دہشت گرد گروپوں میں شامل کرنے کی ناکام کوشش کی جا رہی ہے۔ اس سازش میں اسرائیل براہ راست ملوث ہے۔ انہوں نے کہا کہ حماس وطن کی آزادی کے لیے لڑنے والی تنظیم ہے جس کا ہدف صرف اسرائیل کا فلسطین پر ناجائز قبضہ ختم کرانا ہے۔ حماس کے اس کے سوا کسی اور ملک سے کوئی جنگ نہیں ہے جبکہ صہیونی ریاست خود دنیا بھر میں دہشت گردی برآمد کر رہی ہے۔
ترجمان نے جنرل اسمبلی میں نیتن یاھو کی تقریر میں حماس پر الزامات مسترد کرتے ہوئے کہا کہ دنیا بھر میں فتنہ وفساد کی جڑ خود صہیونی ریاست ہے جو پوری دنیا میں دہشت گردی پھیلا رہی ہے۔
انہوں نے کہا کہ نیتن یاھو کی جانب سے جنگ کے دوران شہریوں کو ڈھال کے طور پر استعمال کرنے کا الزام بھی قطعی بے بنیاد ہے۔ اگر حماس شہریوں کو ڈھال کے طور پر استعمال کرتی رہی ہے تو اسرائیل غزہ کے ساحل میں ایک گراؤنڈ میں کھیلتے بچوں پر بمباری اور 500 بچوں کی شہادت کا جواز کیسے فراہم کرے گا۔
بشکریہ:مرکزاطلاعات فلسطین