یہودی بستیوں کے انخلا اور تعمیرات روکنا منظور نہیں: بنجمن نیتن یاہو

انتہا پسند اسرائیلی وزیر اعظم بنجمن نیتن یاہو نے کہا ہے کہ ان کی سربراہی میں بننے والی کوئی بھی حکومت مغربی کنارے میں یہودی بستیوں کی تعمیر سے دست کشی اختیار نہیں کرے گی۔

اس نوعیت کی رعائتوں سے متعلق خبریں بے بنیاد ہیں۔ عبرانی اخبار ‘معاریف’ کو اپنے انٹرویو میں نیتن یاہو نے پارلیمانی انتخاب سے چند دن پہلے یہ اعلان کیا ہے کہ وہ یہودی بستیوں کی تعمیر منجمد کرنے کے حق میں نہیں ہیں۔ ان کے بہ قول: "میری حکومت کا حالیہ تجربہ اس قسم کے منصوبے کی مکمل نفی کرتا ہے کیونکہ یہودی آبادکاری کا معاملہ فلسطینیوں سے لڑائی کا نتیجہ ہے۔ یہ آبادکاری لڑائی کا باعث نہیں ہے۔