غرب اردن میں اسرائیلی جارحیت، نابلس میں فلسطینی شہری شہید

نابلس – (روزنامہ قدس ـ آنلائن خبر رساں ادارہ) فلسطینی وزارت صحت نے اعلان کیا کہ جنوبی نابلس کی بلدہ مادما میں قابض اسرائیل کی فائرنگ کے نتیجے میں شہری جبرین احمد جبر قط شہید ہو گیا۔

وزارت صحت کو یہ اطلاع جنرل سٹی ز ن افیئرنے دی کہ شہید کا جسد خاکی قابض اسرائیل کی افواج کے قبضے میں ہے اور ابھی تک واپس نہیں ملا۔

نابلس میں ہلال احمر کے مرکز امداد و ہنگامی حالات کے ڈائریکٹر عمید احمد نے بتایا کہ جبرین احمد جبر قط کو مادما کے قریب قابض افواج نے شدید گولی مار کر زخمی کیا، جس کے بعد افواج نے امدادی ٹیموں کو متاثرہ تک پہنچنے سے روکا اور انہیں ایک نامعلوم مقام پر منتقل کر دیا۔ انہوں نے بتایا کہ ریڈ کراس کے ساتھ رابطہ جاری ہے تاکہ جنازہ بازیابی کی کوشش کی جا سکے۔

گذشتہ ہفتے قابض اسرائیل نے مغربی کنارے اور القدس میں فلسطینیوں کے خلاف اپنی زمینی کارروائیاں تیز کر دی تھیں، جن میں قتل، گرفتاری، چھاپے، املاک اور مقدسات پر حملے شامل ہیں، جن کی تعداد 1024 درج کی گئی۔