(روزنامہ قدس ـ آنلائن خبر رساں ادارہ) اسلامی تحریک مزاحمت "حماس” کے ترجمان حازم قاسم نے کہا ہے کہ تحریک نے فلسطینی صورتحال کی ترتیب کے تناظر میں مثبت اور پیش رفت پر مبنی مؤقف اختیار کیے ہیں۔ انہوں نے فلسطینی اتھارٹی کی قیادت سے مطالبہ کیا کہ وہ اس تاریخی لمحے کی ذمہ داری کو سمجھے اور قومی اتفاق رائے کی کیفیت کی جانب عملی پیش قدمی کرے۔
حازم قاسم نے پیر کے روز ایک پریس بیان میں کہا کہ کسی بھی فلسطینی فریق کے لیے انتظار کی پالیسی اختیار کرنا یا قومی وحدت کی راہ میں رکاوٹ بننا کسی طور فائدہ مند نہیں ہو سکتا۔ انہوں نے واضح کیا کہ فلسطینی اتھارٹی کی قیادت اس اندازے میں سخت غلطی پر ہے کہ وہ غزہ کی پٹی میں ہمارے عوام پر نازل ہونے والی اس عظیم تباہی اور المیے سے کوئی سیاسی فائدہ حاصل کر سکتی ہے۔
انہوں نے اس بات کی نشاندہی کی کہ صہیونی دائیں بازو کی حکومت تمام فلسطینی دھڑوں اور طبقات کو ہر محاذ پر نشانہ بنا رہی ہے۔ یہ خطرناک حقیقت اس بات کا تقاضا کرتی ہے کہ فلسطینی صفوں میں فوری اتحاد قائم کیا جائے تاکہ فلسطینی قضیے کو درپیش غیر معمولی اور بے مثال خطرات کا مشترکہ طور پر مقابلہ کیا جا سکے۔
