مقبوضہ فلسطینِ، چاقو سے حملہ کرنے کے الزام میں دو نوجوان گرفتار

(روزنامہ قدس ۔آن لائن خبر رساں ادارہ) صیہونی فوج نے "مقبوضہ بیت المقدس” سے دو  نوجوانوں کو اسرائیلی فوج پر چاقو سے حملہ کرنے کے الزام میں گرفتار کرلیا ۔  

اسرائیلی نیوزویب سایٹ نے دعویٰ کیا ہے کہ صیہونی فوج نے مقبوضہ بیت المقدس کے شہر کے مغربی علاقے”عبوين” سے  دوفلسطینی نوجوانوں کو اس وقت گرفتار کیا جب وہ اسرائیلی فوج پر حملہ کرنے کی کوشش کررہے تھے ، دونوں نوجوانوں کو تحقیقات کیلئے نامعلوم مقام پر منتقل کردیا گیا ہے ۔

واضح رہے کہ آج  صبح اسرائیل فوج نے ایک فلسطینی خاتون کو گولیاں مارکر شہید کردیا ہے ، اسرائیل فوج کی جانب سے جاری بیان میں وضاحت کی گئی ہے کہ خاتون نے فوجی اہلکاروں پر  چاقوسے حملہ کیا تھا جس پر گولیاں ماری گئیں ، 50 سالہ نامعلوم خاتون کو اسرائیلی فوج نے زخمی حالت میں سڑک پر پڑے رہنے دیا جہاں وہ خون بہہ  جانے کے باعث شہید ہوگئیں۔