(روز نامہ قدس ۔آنلائن خبر رساں ادارہ )قابض صہیونی فوج شمالی غزہ میں داخل ہو گئی۔محدود پیمانے پر دراندازی کی ۔بلڈوزر سے فلسطینی زمینوں کو ہموار کردیا۔
تفصیلات کے مطابق اسرائیلی فوج کی شر انگیزیاں مسلسل جاری ہیں۔گزشتہ روز بھی قابض فوج نے غزہ کے شمالی علاقے میں داخل ہونے کی کوشش کی اور محدود پیمانے پر در اندازی کی۔
غزہ میں موجود مقامی ذرائع کا کہنا ہے کہ بدھ کی صبح اسرائیلی فوج کی نفری آٹھ اسرائیلی بلڈوزر کے ہمراہ غزہ کے شمال میں واقع جبالیا نامی گاؤں میں داخل ہوئے اور علاقے کی زمین جو کہ فلسطینیوں کی ملکیت ہے کو ہموار کرنا شروع کردیا۔
ذرائع نے مزید کہا کے اسرائیلی فوج نے اس موقع پر فائرنگ کر کے مقامی لوگوں کو خوف زدہ کرنے کی بھی کوشش کی ۔