(روزنامہ قدس ۔آن لائن خبر رساں ادارہ) "عوفر” کی فوجی عدالت نے گرفتار شدہ فلسطینی نوجوان کی انتظامی قیدکے تحت گرفتاری کی مدت میں تیسری مرتبہ چھ ماہ کا اضافہ کردیا۔
فلسطینی قیدیوں کی تفصیلات فراہم کرنے والے ادارے کی رپورٹ کے مطابق فلسطین پر قابض اسرائیل کی صیہونی فوجی عدالت نے مقبوضہ فلسطین کے شہر "رام اللہ” کے علاقے "بیت ریمہ” سے دوبارہ گرفتار فلسطینی 25 سالہ "عزت ریماوی” کی "انتظامی قید” کے تحت حراست میں تیسری مرتبہ چھ ماہ کا اضافہ کردیا ہے۔
صیہونی فوج نے 21 ستمبر2018 کو عزت ریماوی کو ان کی رہائش گاہ "بیت ریمہ” سے رات گئےگھرمیں گھس کر گرفتار کیا تھا جبکہ اس دوران صیہونی فوج نے روایتی لوٹ مار اور توڑپھوڑ کے ساتھ مکینوں کو زدوکوب بھی کیا تھا۔