روزنامہ قدس ۔آن لائن خبر رساں ادارہ) صیہونی ریاست سوچے سمجھے منصوبے کے تحت فلسطین بھر میں فلسطینی طبی عملے کو نشانہ بنا رہی ہے۔
تفصیلات کے مطابق فلسطین اتھارٹی کی وزیربرائے صحت "الکیلہ” نے اپنے ایک جاری بیان میں کہا ہے کہ فلسطینی طبی عملے کو نشانہ بنانا اسرائیلی فوج کا پسندیدہ مشغلہ بن چکا ہے، صیہونی فوج جان بوجھ کرسوچے سمجھے منصوبے کےتتحت فلسطینی امدادی کارکنان اور طبی عملے کو اپنی وحشیانہ کارروائیوں کا نشانہ بنا رہی ہے، غرب اردن، بیت المقدس اور”غزہ” میں کہیں بھی فلسطینی طبی امدادی کارکن اور عملہ صہیونی ریاست کی انتقامی کارروائیوں سےمحفوظ نہیں، قابض فوج طبی امدادی عملے کو انتقامی کارروائیوں کا نشانہ بنا کر انسانی حقوق کی سنگین پامالیوں کی مرتکب ہورہی ہے۔
الکیلہ کا کہنا تھا کہ صہیونی حکام جنگی جرائم کے مرتکب، انسانی حقوق کی سنگین پامالیوں کے عادی اور سنگین جرائم کررہے ہیں۔ فلسطینی طبی عملے اور امدادی کارکنوں کو نشانہ بنا کر جنگی جرائم کا ارتکاب کیا جا رہا ہے۔انہوں نے غزہ ، غرب اردن اور القدس میں فلسطینی امدادی کارکنوں اور طبی عملے کو نشانہ بنائے جانے کے واقعات کی شدید مذمت کی اور عالمی برادری سے مطالبہ کیا کہ وہ صہیونی ریاست کے جرائم کا نوٹس لے۔