(روزنامہ قدس ۔آن لائن خبر رساں ادارہ) مقبوضہ فلسطین میں صیہونی فوج نے چادراور چاردیواری کا تقدس پامال کرتے ہوئے گھر گھر تلاشی کےد وران خاتون سمیت 10 فلسطینیوں کو گرفتار کرکے نامعلوم حراستی مراکز منتقل کردیا۔
تفصیلات کے مطابق صیہونی فوج نے گزشتہ روز مقبوضہ بیت المقدس کے مختلف علاقوں میں گھر گھر تلاشی کی کارروائیوں کے دوران روایتی لوٹ مار کرتے ہوئے 10 فلسطینیوں کو گرفتارکیا، بیت المقدس کے کے جنوب میں "دھیشہ پناہ گزین کیمپ” پر چھاپہ مارااور تلاشی کے دوران 24 سالہ "رغد راید شمروخ "اور 25 سالہ "باسل ولید دعامسہ ” کو حراست میں لے لیا، نابلس کے پناہ گزین کیمپ سے صفہ الیمنٹری کی پرنسپل فاطمہ الغرابی سمیت سات دیگر فلسطینیوں کو حراست میں لیا گیا جن کو تفتیش کے نام پر نامعلوم حراستی مرکز متنقل کردیا گیا ۔