(روزنامہ قدس ۔آن لائن خبر رساں ادارہ) صیہونی فوج نے فلسطینی کسانوں پر اس وقت حملہ کیا جب وہ زیتون کے باغات میں کام میں مصروف تھے ، اسرائیلی فوج نے زیتون کے درجنوں درختوں کو بھی کاٹ ڈالا۔
مقبوضہ فلسطین میں یہودی آبادکاروں کی سرگرمیوں کی نگرانی کرنےوالے ادارے کے سربراہ غثان دغلس نے بتایا کہ صیہونی فوج نے فلسطینی کسانوں پر اس وقت حملہ کیا جب وہ اپنے باغا ت میں زیتون کی تیار فصل پر کام کررہے تھے، صیہونی فوج نے کسانوں پر حملہ کیا انھیں زدو کوب کیا اور درجنوں زیتون کے درختوں کو بھی کاٹ ڈالا۔
انھوں نےبتایا کہ یہ پہلی مرتبہ نہیں ہے کہ اسرائیلی فوج یا شرپسند یہودی آبادکاروں نے فلسطینیوں پر حملہ کیا ہے فلسطینی باشندوں پر شرپسند یہودی آبادکاروں کی جانب سے حملے معلول بن گئے ہیں ۔
واضح رہے کہ گزشتہ روز بھی شرپسندیہودی آبادکاروں نے فلسطینیوں کی املاک اور گھروں پر نفرت انگیز اوراسلام مخالف اشتعال انگیز نعرے درج کئے تھے ۔