(روزنامہ قدس ۔آن لائن خبر رساں ادارہ) مقبوضہ فلسطین پر قابض صیہونی فوج کا فلسطینی قصبے پر دھاوا فلسطینیوں کے استعمال کی واحد پانی کی سپلائی لائن کاٹ دی ۔
فلسطینی کونسل کے مقامی افسردرار سوافطة نےبتایا کہ صیہونی فوج نے صبح "مقبوضہ مغربی کنارے” کے قصبے "بردالہ” پردھاوا بولا اور وجہ بتائے بغیر قصبے کی واحد پانی کی لائن کو کاٹ دیا ۔ انھوں نے بتایا کہ صیہونی فوج کے اس غیر انسانی رویے سے قصبے کی تقریبا 2ہزار سے زائد آبادی کو پانی کے سنجیدہ مسائل کا سامنا کرنا پڑے گا ۔
واضح رہے کہ صیہونی فوج فلسطینیوں کو اذیت میں مبتلا کرنے کیلئے اکثر مسلمان آبادیوں میں پانی اور بجلی کی لائنز کو کاٹ دیتے ہیں جو پھر کئی کئی دنوں بعد بحال کی جاتی ہیں۔