(روزنامہ قدس ۔آن لائن خبر رساں ادارہ) صیہونی فوج نے فائرنگ سے زخمی کرنے کے بعد فلسطینی نوجوان کو اپنے ہمراہ نامعلوم مقام پر منتقل کردیا جبکہ شناخت بھی ظاہر نہیں کی گئی۔
عینی شاہدین کے مطابق غرب اردن کے شمالی شہر طولکرم میں دیوار فاصل کےقریب فرعون قصبے میں صیہونی فوج نے ایک فلسطینی نوجوان کو اس وقت گولیاں مار کر زخمی کردیا جب وہ نوجوان اپنے کھیتوں میں جارہا تھا اور اس کا رخ صیہونی فوج کی جانب نہیں تھا ۔
صیہونی فوج نے فائرنگ سے زخمی کرنے کے بعد فلسطینی نوجوان کو حراست میں لے کر نامعلوم مقام پر متنقل کردیا اور اس حوالے سے کوئی اطلاعات بھی فراہم نہیں کی گئیں ہیں ۔