(روزنامہ قدس ۔آن لائن خبر رساں ادارہ) صیہونی فوج کی مقبوضہ بیت المقدس کے مختلف علاقوں میں چھاپہ مار کارروئیاں ، جھڑپوں میں بچے سمیت 10 فلسطینی زخمی ، متعدد کو گرفتار کرلیا گیا۔
تفصیلات کے مطابق صیہونی فوج نے مقبوضہ فلسطین کے شمالی شہر رام اللہ کے علاقے "المزرعه الشرقيّه” قصبے پر دھاوا بولا اور گھرگھر تلاشی کے نام پر روایتی لوٹ مار اور توڑپھوڑ شروع کی ، صیہونی فوج کے مظالم کے خلاف فلسطینیوں نے پتھراؤ کیا، اسرائیلی فوج نے مظاہرین کو منتشر کرنے کیلئے آنسو گیس کے شیل اور فائرنگ کی جس کی زد میں آکر کم سے کم 10 فلسطینی زخمی ہوگئے جبکہ صیہونی فوج نے متعدد کو گرفتار کرلیا۔
دوسری جانب مقبوضہ فلسطین کے شہر بیت المقدس کے علاقے ابو دیس میں بھی صیہونی فوج نے گھر گھر تلاشی کے دوران مجرمانہ اقدامات دھرائے ، صیہونی فوج اور فلسطینیوں کے درمیان جھڑپوں میں اسرائیلی فوج کی فائرنگ سے 13 سالہ بچہ شدید زخمی ہوگیا ہے جس کو رام اللہ میں "فلسطین میڈیکل کمپلیکس” میں منتقل کیا گیا، فلسطینی ریڈ کریسنٹ سوسائٹی کا کہنا ہے کہ بچے کی حالت تشویشنا ک ہے ۔