مقبوضہ بیت المقدس (روز نامہ قدس ۔آن لائن خبر رساں ادارہ) اسرائیلی ماہرین نے حال ہی میں چاند کی سطح پر گر کر تباہ ہونے والی خلائی گاڑی کے حادثے کی ابتدائی تحقیقات جاری کی ہیں جن میں بتایا گیا ہے کہ خلائی گاڑی سے رابطہ منقطع ہونا حادثے کا سبب بنا۔
روز نامہ قدس کو موصول ہونے والی اطلاعات کے مطابق عبرانی ٹی وی 7 کی رپورٹ میں بتایا گیا ہے کہ چاند کی سطح پر موجود گاڑی کے ساتھ مواصلاتی روابطہ نہیں ہوسکا اور گاڑی سے زمین پر سگنل نہ ہونے کے باعث اسے کنٹرول نہیں کیا جا سکا۔
تحقیق میں کہا گیا ہے کہ خلائی گاڑی کو چھ بار چلانے اور آپریٹ کرنے کی کوشش کی گئی مگر اس کے دونوں انجن بند ہوگئے تھے اور گاڑی کے ساتھ رابطہ نہیں ہوسکا۔