(روز نامہ قدس ۔آنلائن خبر رساں ادارہ ) اسرائیلی قابض فوج نے حماس تحریک کے ایک رہنما شہید صالح العروری کی دو بہنوں کو رملہ کے شمال میں البریح شہر اور ارورہ قصبے میں ان کے گھروں پر دھاوا بولنے کے بعد گرفتار کر لیا۔
غزہ پر اسرائیلی کے 100 مکمل ہوگئے اس دوران غاصب صیہونی فورسز نے غزہ سمیت مقبوضہ فلسطین کے دیگر شہروں اور قصبوں کے خلاف دراندازیوں، چھاپوں اور گرفتاری کی مہم کے ذریعے اپنی جارحیت کو بڑھانا جاری رکھا ہوا ہے۔ گزشتہ گھنٹوں میں قابض فوج نے جنین پر دوبارہ حملہ کیا جس میں سیکڑوں فلسطینیوں کو گرفتار کرلیاگیا۔
فلسطینی ذرائع نے بتایا ہے کہ صیہونی فوج نے آج صبح مقبوضہ فلسطین کے مختلف شہروں اور قصبوں پر چھاپہ مار کارروائی کاسلسلہ جاری رکھا اس دوران رواں ماہ لبنان میں شہید کئے گئے حماس کے سرکردہ رہنما صالح العاروری کی دو بہنوں 52 سالہ دلال العاروری اور 47 سالہ فاطمہ العاروری کو رام اللہ کے شمال میں البریح شہر اور ارورہ قصبے میں ان کے گھروں پر دھاوا بولنے کے بعد گرفتار کر لیا۔
صیہونی فوج کی جانب سے جاری بیان میں الزام لگایا گیا ہے کہ دونوں خواتین کو مقبوضہ مغربی کنارے سے ’ریاست اسرائیل کے خلاف دہشت گردی پر اکسانے کے بعد‘ حراست میں لیا۔