(روزنامہ قدس ۔آن لائن خبر رساں ادارہ) شاہ اردن نے کہا کہ ہم اپنے فلسطینی بھائیوں کے ساتھ تمام شعبوں میں تعاون کیلئے تیارہیں اورچاہتے ہیں کہ وہ بھی علاقائی منصوبوں میں شامل ہوں جس سے ایک ایسا ماحول قائم ہو جس میں فلسطین اور اسرائیل کے درمیان امن مذاکرات بحال ہو سکیں۔
عالمی ذرائع ابلاغ کے مطابق گذشتہ روز فلسطینی صدر محمود عباس شاہ عبد اللہ دوئم سےخصوصی ملاقات کے لیے اردن کے دارالحکومت عمان پہنچے جہاں صدر محمود عباس نے شاہ اردن سے مسئلہ فلسطین کی حمایت سے متعلق بات چیت کرتے ہوئے مسئلہ فلسطین کے فوری اور نتیجہ خیزحل کی ضرورت پر زور دیا۔
صدرعباس نے علاقائی منصوبوں میں اپنے شہریوں کی شمولیت پربھی بات چیت کی جس پر اردن کے شاہ نے کہا کہ فلسطینی باشندوں کو باعزت زندگی گزارنے کاپورا حق ہے‘تاہم معاشی ترقی اس وقت تک حاصل نہیں ہو سکتی جب تک مسئلہ فلسطین کا سیاسی حل نہ نکالا جائے مسئلہ فلسطین کا حل نکالناانتہائی ضروری ہے۔
انہوں نے کہا کہ ہم اپنے فلسطینی بھائیوں کے ساتھ تمام شعبوں میں تعاون کیلئے تیار ہیں اور چاہتے ہیں کہ وہ بھی علاقائی منصوبوں میں شامل ہو امن مذاکراتں اس حوالے سے آئندہ دنوں میں ہماری توجہ ایک ایسا ماحول قائم کرنے پرہے جس میں فلسطین اور اسرائیل کے درمیان امن مذاکرات بحال ہو سکیں۔