(روز نامہ قدس ۔آنلائن خبر رساں ادارہ ) صہیونی ریاست نے دعویٰ کیا ہے سلیمان اغباریہ غیر ملکی دوروں کےد وران ان شخصیات سے ملاقاتیں کرتے ہیں جو اسرائیل کی سلامتی کیلئے خطرہ ہیں۔
تفصیلات کے مطابق قابض صہیونی ریاست اسرائیل کی وزارت داخلہ نے ایک حکمنامہ جاری کیا ہے جس کے تحت مقبوضہ فلسطین میں صہیونی ریاستی جبر کے خلاف پرسرپیکار تنظیم اسلامی تحریک کے سنیئر رہنما سلیمان اغباریہ پانچ ماہ کےلئے قابل توسیع غیر ملکی سفر پر پابندی عائد کردی ہے۔
یہ بھی پڑھیے
فلسطینی بزرگ رہنما پرصہیونیوں نے سفری پابندی عائد کر دی
صہیونی ریاستی ادارے نے دعویٰ کیا ہے کہ سلیمان اغباریہ غیر ملکی دوروں کے دوران ان شخصیات سے ملاقاتیں کرتےہیں جو اسرائیل کی سلامتی کیلئے خطرہ تصور کئے جاتےہیں اس لئے ان پر سفری پابندی عائد کی گئی ہے۔
دوسری جانب سلیمان اغباریہ نے اپنے بیان میں کہا ہے کہ صہیونی ریاست کی جانب سے ” یہ پابندی غیر متوقع یا حیران کن نہیں ہے کیونکہ فلسطینیوں کے خلاف نا انصافی پر مبنی اسرائیلی اقدامات نئی بات نہیں ہیں۔
” انہوں نے مزید کہا ” اسرائیلی اقدام احمقانہ اور سیاسی انتقام پر مبنی ہے ۔اس کا اسرائیلی سکیورٹی سے کوئی تعلق نہیں ہے یہ فلسطینیوں کو دبانے ، انہیں حقوق سے محروم رکھنے کا ایک تسلسل ہے اور بین الاقوامی قوانین کی بھی خلاف ورزی ہے۔” ایسے سارے اقدامات اسرائیل کے لیے لاحاصل رہیں گے اور ہمیں عرب دنیا کے ساتھ رابطے سے روک نہیں سکیں گے۔