(روزنامہ قدس ۔آن لائن خبر رساں ادارہ) اسلامی جہاد نے کہا کہ ہم اپنے صالح شہداء اور ان کے معزز خاندانوں کو سلام پیش کرتے ہیں اور ان سے عہد کرتے ہیں کہ فتح تک ان کے پاک خون کا احترام کریں گے۔
مقامی ذرائع کے مطابق مقبوضہ فلسطین میں مزاحمتی تحریک اسلامی جہاد کی جانب سے جاری بیان میں فلسطینی علاقہ جنین میں مزاحمت کی نئی شاخ جنین بریگیڈ اور صہیونی فوج کے درمیان تصادم میں کمانڈر جمیل محمود العموری کی شہادت کے حوالے سے کہا گیا ہے کہ مقبوضہ مغربی کنارےاور جنین میں اسرائیلی دشمن کے ساتھ مزاحمت اور جھڑپوں کی ایک نئی شروعات ہوگی اور دشمن کی ٹارگٹ کلنگ سے فلسطینی مزاحمت میں کوئی کمزوری نہیں آئے گی۔
جہاداسلامی نے زوردیا کہ العموری کی شہادت سے تصادم کا سلسلہ نہیں رکے گابلکہ انہوں نے اپنے خون سے دشمن کویہ پیغام دیا ہے کہ فلسطینی قوم آزادی کے لیے جانوں کے نذرانے دیتی رہے گی اوران شہادتوں پر فلسطینی قوم کوافسوس نہیں بلکہ شہداء کاخون تحریک آزادی کو ایک نئی طاقت دیتا ہے۔
اسلامی جہاد نے کہا کہ ہم اپنے صالح شہداء اور ان کے معزز خاندانوں کو سلام پیش کرتے ہیں اور ان سے عہد کرتے ہیں کہ فتح تک ان کے پاک خون کا احترام کریں گے،انہوں نے کہا کہ ہم اپنے بہادر قیدیوں کو ثابت قدمی اورآزادی تک جدو دجہد جاری رکھنے کا پیغام دیتے ہیں۔