(روزنامہ قدس ۔آن لائن خبر رساں ادارہ) ترجمان القسام بریگیڈ نے کہاکہ دشمن کے زمینی خطرے کو دیکھتے ہوئے، ہم کہتے ہیں کہ غزہ کی پٹی کے کسی بھی علاقے پر کوئی بھی زمینی حملہ، انشاء اللہ ہلاک ہونے والے صیہونیوں کی تعداد میں اضافے کاباعث بنے گا۔
تفصیلات کے مطابق مقبوضہ فلسطین میں صہیونی ریاستی دہشت گردی کے خلاف بر سر پیکار تحریک مزاحمت حماس کےعسکری ونگ عزالدین القسام بریگیڈز نےقابض اسرائیل کےلیے ایک ویڈیو پیغام جاری کیا ہے جس میں صہیونی فوج کی غزہ میں دراندازی کے کسی بھی فیصلے کو بے وقوفی قرار دیتے ہوئے متنبہ کیا ہے کہ اگر غزہ میں قدم رکھنے کی غلطی کی توانجام موت ہوگا۔
القسام کے ترجمان ابوعبیدہ نے ویڈیو پیغام میں اپنی ویب سائٹ پر مجاہدین اور ان کی فوجی تیاریوں کے مناظر کے ساتھ پوسٹ جاری کی اور ایک مختصر تقریر میں کہا ہے کہ غزہ پر کوئی بھی زمینی حملہ ہمارے لیے مزید اسرائیلیوں کو ہلاک کرنے اور دشمن قوتوں کو پکڑنے کا ایک موقع ہوگا۔
انہوں نے کہاکہ دشمن کے زمینی خطرے کو دیکھتے ہوئے، ہم کہتے ہیں کہ غزہ کی پٹی کے کسی بھی علاقے پر کوئی بھی زمینی حملہ، انشاء اللہ ہلاک ہونے والے صیہونیوں کی تعداد میں اضافے باعث بنے گا، دشمن کو پکڑنے اور سخت سبق سیکھانے میں مدد کرنے کے لیے تیار ہیں۔