او آئی سی کی فلسطینی علاقوں میں اسرائیلی حملوں کی مذمت

(روز نامہ قدس ۔آنلائن خبر رساں ادارہ ) غزہ پر اسرائیلی جارحیت پر خاموش رہنے کے بعد نابلس میں اسرائیلی دہشتگردی پر او آئی سی نے آخر کار لب کشائی کرہی دی۔

اسلامی تعاون تنظیم نے اپنے جاری کردہ بیان میں مقبوضہ مغربی کنارے کے شمالی شہر نابلس میں فلسطینیوں کی املاک اور مکانات کو تباہ کرنے کے اسرائیلی اقدام کی بھی مذمت کی ہے۔مغربی کنارے کے شہر نابلس میں غاصب اسرائیلی فوج کی کارروائی میں ابراہیم النابلسی، اسلام صبوح، حسین جمال طه اور ایک اور فلسطینی نوجوان شہید اور 40 سے زائد زخمی ہوئے ہیں۔او آئی سی کی جانب سے  فلسطینیوں کی املاک اور گھروں کو تباہ کرنےکے اسرائیلی اقدام کی بھی مذمت کی گئی۔