(روزنامہ قدس ۔آن لائن خبر رساں ادارہ) کشمیری علاقے بارہ مولا، سو پور، کپواڑہ سمیت مختلف علاقوں میں بھارتی فوجیوں نے سڑکیں بند کردی ہیں جس کی وجہ سے لوگ گھروں میں محصورہوگئے ہیں۔جبکہ انٹرنیٹ اورموبائل سروس بھی معطل ہے۔
ذرائع کے مطابق گذشتہ روزمقبوضہ جموں و کشمیر میں قابض بھارتی فورسزکی جانب سے ریاستی دہشت گردی کا بازار گرم ہےاور مسلح اہلکاروں نے 2 مختلف علاقوں کپواڑہ اور بارہ مولا میں تلاشی کے نام نہاد آپریشن کی آڑ میں مزید 3 بے گناہ کشمیری نوجوانوں کوشہید کردیا ہے۔
بھارتی فوج نے ضلع کپواڑہ میں سرچ آپریشن کے دوران رہائشیوں کو بدترین تشددکیا جس پر مزاحمت کر نے الزام میں 2 نوجوانوں کو فائرنگ کر کے شہید کردیااور شدید خوف و ہراس پھیلاکر علاقہ مکینوں کو گھروں میں رہنے کی ہدایت جاری کیں تاکہ کوئی شخص بھی احتجاجی مظاہرے کے لیے نہ نکل سکے۔
دوسری جانب قابض بھارتی فورسز نے بارہ مولا کے علاقے میں جعلی مقابلے میں ایک اور بے گناہ کو شہید کرکے کالعدم کشمیری تنظیم کا سہولت کار ظاہر کر نے کے بعد شہید کا جسد خاکی لواحقین کے حوالے کر دیا اور تلاشی کی کارروائی کے دوران کشمیری باشندوں کے گھروں میں گھس کر توڑ پھوڑ کی اورمکینوں کو ہراساں کرتے ہوئے متعدد نوجوانوں کو گرفتارکرلیا۔
خیال رہے کہ کشمیری علاقے بارہ مولا، سو پور، کپواڑہ سمیت مختلف علاقوں میں بھارتی فوجیوں نے سڑکیں بند کردی ہیں جس کی وجہ سے لوگ گھروں میں محصورہوگئے ہیں۔جبکہ انٹرنیٹ اورموبائل سروس بھی معطل ہے۔