(روزنامہ قدس ۔آن لائن خبر رساں ادارہ) رپورٹ کے مطابق اس وقت بھی بھارتی فورسزنے پلواما اورنواحی علاقوں کا محاصرہ جاری رکھا ہے اورگھر گھر تلاشی کے بہانے فوج خواتین سے بدتمیزی کرکے چادر اور چار دیواری کو پامال کر رہے ہیں۔
کشمیر میڈیا سروس کے مطابق مقبوضہ جموں و کشمیرمیں قابض بھارتی فورسزکی جانب سے ایک بار پھر ریاستی دہشتگردی کا مظاہرہ کیا گیا اور صرف دو دنوں میں مزید چار بے گناہوں کو شہید کر دیاگیا۔
قابض فوج نے نہتے شہریوں کو انتقامی کارروائی کا نشانہ بناتے ہوئے گذشتہ روز مزید دو نوجوانوں کو پلواما کے علاقے میں فائرنگ کرکے شہید کردیا اور ان کے اہل خانہ کو احتجاج سے روکنے کے لیے لاٹھیوں اور بندوقوں سے لہو لہان کر دیا اوربھارتی مظالم کیخلاف احتجاج کرنے والے متعدد کشمیریوں کوگرفتارکرلیا گیا۔
کشمیر میڈیا سروس کی رپورٹ کے مطابق اس وقت بھی بھارتی فورسزنے پلواما اورنواحی علاقوں کا محاصرہ جاری رکھا ہے اورگھر گھر تلاشی کے بہانے بھارتی فوجی کشمیری گھروں میں گھس کر خواتین سے بدتمیزی کرکے چادر اور چار دیواری کو پامال کر رہے ہیں۔
واضح رہے کہ قابض بھارتی اہلکاروں نے ریاستی دہشت گردی کا مظاہرہ کر تے ہوئے گذشتہ چند روز میں 14 کشمیری بے گناہ نوجوانوں کو شہید کر دیا ہے۔