(روز نامہ قدس ۔آنلائن خبر رساں ادارہ ) قابض فوجیوں کی بس پر فائرنگ کے حملے میں 6 صہیونی فوجیوں سمیت ایک اسرائیلی شہری زخمی ہو گیا، سرائیلی فوج کا حملہ آوروں کو گرفتار کرنے کا دعویٰ۔
گذشتہ روز مقبوضہ مغربی کنارے کے شہر وادی اردن کے علاقے طوباس کے مقام پر مزاحمت کاروں نے اسرائیلی فوجیوں کی ایک بس پر حملہ کیا جس کے نتیجے میں چھ صہیونی فوجیوں سمیت ایک اسرائیلی شہری زخمی ہوگیا ، زخمیوں کو ایئر ایمبولینس کے ذریعے اسرائیلی شہر حیفا کے رامبام اسپتال منتقل کردیا گیا ہے۔
یہ بھی پڑھیے
گذشتہ ماہ میں مزاحمت کاروں کے حملوں میں 28 صہیونی زخمی ہوئے، رپورٹ
اسرائیلی فوجی کی جانب سے جاری کردہ بیان میں بتایا گیاہے کہ حملہ آوروں نے بس کو تین جانب سے گھیر کر حملہ کیا مزاحمت کاروں کی درجنوں گولیوں نے بس کی ونڈشیلڈ کو نشانہ بنایا جبکہ دیگر نے بس کی دائیں جانب سے کھڑیوں پر فائرنگ کی ، حملے کے فوراً بعد دو مشتبہ افراد کو بس کے قریب سے گرفتار کر لیا گیا جس کے بارے میں خیال کیا جارہاہے کہ وہ حملے کو انجام دینے میں معاونت کررہے تھے ۔