(روزنامہ قدس ۔آن لائن خبر رساں ادارہ) شدید زخمی حالت میں ہسپتال منتقل ہونے والا فلسطینی نوجوان 3ہفتےسے ہسپتال میں زیر علاج تھا تاہم صہیونی فوج کی براہ راست فائرنگ سےنوجوان کے جسم کے متعدد حصے بری طرح متاثر ہوئے تھے۔
تفصیلات کے مطابق گذشتہ روز مقبوضہ بیت المقدس میں رمضان المبارک کے مقدس مہینے میں مسجد اقصیٰ کے نمازیوں پر صہیونی فوجی حملے میں زخمی ہونےوالا فلسطینی نوجوان زندگی اور موت کی جنگ لڑتے لڑتے بالآخر ہسپتال میں دم توڑ گیا۔
شدید زخمی حالت میں ہسپتال منتقل ہونے والا فلسطینی نوجوان ولید الشریف 3ہفتےسے ہسپتال میں زیر علاج تھا تاہم صہیونی فوج کی براہ راست فائرنگ سےنوجوان کے جسم کے متعدد حصے بری طرح متاثر ہوئے تھےاور ڈاکٹرز اپنی بھرپور کوشش سے نوجوان کی زندگی بچانے کیلیے دن رات ایک کر رہے تھےتاہم گذشتہ ولید الشریف کی حالت مزید بگڑتی گئی اور شہید دار فانی سے کوچ کر گیا۔