(روز نامہ قدس ۔آنلائن خبر رساں ادارہ ) جب تک ارض مقدس پر صہیونی قبضہ رہے گا، مزاحمت جاری رہے گی اس کے لئے چاہے کتنی ہی بڑی قربانیاں کیوں نہ دینی پڑے۔
مقبوضہ فلسطین میں غاصب صہیونی ریاست اسرائیل کے مظالم کے خلاف برسرپیکار مزاحمتی تحریک اسلامی جہاد کے ترجمان داؤد شہاب نےمقبوضہ بیت المقدس میں حالیہ مزاحمت کی غیر معمولی کارروائیوں کو فلسطینیوں کے بلند حوصلوں سے تشبیہ دیتے ہوئے کہا ہے کہ مزاحمت فلسطینی عوام کا نقطہ نظر ہے اور یہ علامت ہے کہ فلسطینی اسرائیلی قبضے کو کسی بھی حالت میں برداشت کرنے کے لئے تیار نہیں ہیں ،۔ جب تک ارض مقدس پر صہیونی قبضہ رہے گا، مزاحمت جاری رہے گی اس کے لئے چاہے کتنی ہی بڑی قربانیاں کیوں نہ دینی پڑے۔
یہ بھی پڑھیے
تل ابیب ہمارے میزائلوں کا نشانہ ہوگا، جنگ شروع ہوچکی ہےپیچھے نہیں ہٹیں گے، اسلامی جہاد سربراہ کا اعلان
ترجمان داؤد شہاب نے بیان میں کہا کہ غزہ ، مقبوضہ بیت المقدس ، مغربی کنارے اور نابلس سمیت جہاں کہیں بھی مظلوم فلسطینیوں کا خون بہایاجائے گا فلسطینی مزاحمت اس کا ہر سطح پراور ہر صورت جواب دی گی ۔