(روز نامہ قدس ۔آنلائن خبر رساں ادارہ ) قابض صیہونی فوج نے مقبوضہ بیت المقدس میں جھڑپوں کے بعد صورتحال پر قابو پانے کیلئے اسنائپرز تعینات کئےہیں جو فلسطینیوں کو شہید کرنے سے بھی گریز نہیں کریں گے۔
ذرائع کے مطابق قابض صیہونی افواج نے مقبوضہ بت المقدس میں کشیدگی کے بعد قبلہ اول میں آنے والے نمازیوں پر نظر رکھنے کیلئے قبلہ اول کے اطراف میں موجود فوجی نفری میں غیر معمولی اضافہ کردیا ہے جبکہ مسجداقصیٰ کے قریب بلند عمارتوں پرفوج کے اسنائپرز تعینات کردیئے ہیں۔
عینی شاہدین کا کہنا ہے کہ مسجد اقصیٰ کی چھت اور اطراف کی عمارتوں پربھی اسرائیلی پولیس اور فوج کے اہلکار تعنازت ہیں جو کسی بھی مزاحمت کی صورت میں فلسطینیوں کو شہید کرنے سےبھی گریز نہیں کریں گے، واضح رہے کہ گذشتہ روز اسرائیمس فوج نے مسجد اقصیٰ کے انتظامی دفتر پرچھاپہ مار کر اسے بند کردیا اور مسجد اقصیٰ کے قریب عمارتیں خالی کرالی گئی ہیں۔