(روزنامہ قدس ۔آنلائن خبر رساں ادارہ) صہیونی فوج کی گھر گھرتلاشی کے باوجود فرور فلسطینیوں کے حوالے سے مکمل ناکامی ہوئی ہے جس کے باعث حکام بالا کو اسرائیلی عوام کے متنازعہ سوالات کی وجہ سے شدید بوکھلاہٹ کا سامنا ہے۔
تفصیلات کے مطابق مقبوضہ فلسطین کے مغربی کنارے کے مختلف شہروں میں صہیونی فوج اور خفیہ سیکیورٹی اداروں کی جانب سے سنہ 1948ء کے ان مقبوضہ علاقوں میں جلبوع حراستی مرکز سے فرار ہونے والے فلسطینی قیدیوں کی تلاش کے لیےسرچ آپریشن کے ساتھ ساتھ مختلف خفیہ حکمت عملیاں اختیار کی جارہی ہیں اور اسرائیلی حکام نے غرب اردن میں کرفیو کے نفاذ پر بھی غور شروع کردیا ہے۔
خیال رہے کہ 6 ستمبر کو مقبوضہ فلسطین میں اسرائیلی جیل جلبوع سے 6 فلسطینی قیدی سرنگ کے راستے فرار ہوگئے تھے۔جن کی تلاش کے لیےصہیونی فوج گھر گھر تلاشی کا سلسلہ جاری رکھے ہوئے ہےتاہم حالیہ رپورٹ آنے تک قابض فوج اور سیکیورٹی کے دوسرےخفیہ اداروں کو مکمل ناکامی ہوئی ہے جس کے باعث حکام بالا کو اسرائیلی عوام کے متنازعہ سوالات کی وجہ سے شدید بوکھلاہٹ کا سامنا ہے۔