(روز نامہ قدس ۔آنلائن خبر رساں ادارہ ) اسرائیلی وزیر اعظم یائر لیپڈ نے کہا کہ وہ فرانسیسی صدر سے ایرانی جوہری مذاکرات کے حوالے سے دباؤ بڑھانے اور ایران کی حمایت یافتہ لبنانی تحریک مزاحمت حزب اللہ کے خلاف لبنانی موقف کو مزید سخت کرنے پر بات کریں گے اور جرمن ہم منصب کو ایران اور لبنان کے حوالے سے اسرائیلی تحفظات سے آگاہ کریں گے۔
اسرائیلی نگراں وزیر اعظم یائر لیپڈ کا وزارت عظمی سنبھالنے کے بعد پہلا غیر ملکی دور ہ ہے اس دورے کی اہمیت کے حوالے سے بات کرتے ہوئے انھوں نے بتایا کہ فرانس ایران کے ساتھ 2015 میں ہونے والے جوہری معاہدے کے حوالے سے ان ملکوں میں نمایاں ہے جو امریکا کے معاہدے سے نکل جانے کے بعد بھی بطور خاص چاہتا ہے کہ یہ معاہدہ دوبارہ سے فعال ہو جائے۔ دوسری جانب لبنان کے ساتھ بھی فرانس کے قریبی تعلقات ہیں۔اسرائیل اس بارے میں سخت تحفظات رکھتا ہے، جبکہ اسرائیل حزب اللہ کے حوالے سے بھی سخت موقف رکھتا ہے.
انھوں نے کہا کہ ، ایرانی جوہری معاہدے کے بارے میں ہماری پختہ رائےہے کہ اسے بحال نہیں ہونا چاہیے۔” اور ہم ایران کو جوہری طاقت بننے سے روکنے کےلئے ہر اقدام کریں گے ۔