(روز نامہ قدس ۔آنلائن خبر رساں ادارہ) غزہ کی وزارت صحت کے مطابق 7 اکتوبر 2023 سے جاری غیر قانونی صیہونی ریاست اسرائیل کی غزہ پر دہشتگردی میں اب تک 52,908 فلسطینی شہید اور 119,721 زخمی ہو چکے ہیں۔
تازہ رپورٹ میں بتایا گیا ہے کہ گزشتہ 24 گھنٹوں میں 46 مزید شہداء کے جسد خاکی اسپتالوں میں لائے گئے، جن میں 31 افراد حالیہ حملوں میں شہید ہوئے، جبکہ 15 لاشیں ملبے تلے سے نکالی گئیں۔ اس دوران 73 افراد زخمی بھی ہوئے۔
وزارت کا کہنا ہے کہ اب بھی درجنوں لاشیں ملبے اور سڑکوں پر موجود ہیں، جن تک ریسکیو ٹیمیں غیر قانونی صیہونی ریاست اسرائیل کی رکاوٹوں کے باعث نہیں پہنچ پا رہیں۔
غیر قانونی صیہونی ریاست اسرائیل نے 18 مارچ 2025 کو جنگ بندی کے دوسرے مرحلے سے انکار کرتے ہوئے غزہ پر بمباری دوبارہ شروع کر دی اور امدادی سامان کی ترسیل مکمل طور پر بند کر دی۔ جبکہ حماس نے معاہدے کی تمام شقوں پر عمل کیا، صیہونی حکومت نے سیاسی مفادات کے تحت اسے نظرانداز کر دیا۔