(روز نامہ قدس ۔آنلائن خبر رساں ادارہ ) قابض فوج کے چیف آف اسٹاف کی قیادت میں ہونے والی اس کانفرنس میں عرب ممالک سمیت دنیا کی فوجوں کے درجنوں سربراہ شریک ہوں گے۔
اسرائیلی میڈیا رپورٹس کے مطابق قابض فوج کی نائب ترجمان ایلا واویہ نے بتایا ہے کہ غاصب صہیونی فوج نے آئندہ ہفتے صہیونی ریاست کے دارالحکومت تل ابیب میں "ملٹری ماڈرنائزیشن اور تجدید پر بین الاقوامی کانفرنس” کے عنوان ایک عالمی ملٹری کانفرنس منعقد کرنے کا فیصلہ کیا ہے جس میں عرب ممالک سمیت دنیا بھر سے درجنوں فوجی سربراہان شریک ہوں گے۔
یہ بھی پڑھیے
شہید فلسطینی کی نماز جنازہ ادا، ہزاروں فلسطینیوں کی شرکت، مزاحمت جاری رکھنے کا اعلان
ترجمان نے بتایا کہ 12 سے 15 ستمبر تک جاری رہنے والی "اسرائیل میں اپنی نوعیت کی پہلی” کانفرنس کی قیادت قابض فوج کے چیف آف اسٹاف ایوب کوہاوی کریں گے۔ ایک ہفتے تک جاری رہے گی اور جدید میدان جنگ میں تبدیلی اور اختراع کے طریقہ کار پر بات کرے گی، جس میں کثیر جہتی دفاع کثیر جہتی زمین تک رسائی، کثیر جہتی حملوں، فوجی سپیکٹرم مینجمنٹ، اور سائبرپر غور کیا جائے گا۔