(روز نامہ قدس ۔آنلائن خبر رساں ادارہ ) انتھونی بلینکن نے کہا کہ ہم اس حوالے سے اسرائیل کے ساتھ متحد ہیں کہ ایران کو جوہری ہتھیار حاصل کرنے نہیں دیا جا سکتا۔
تفصیلات کے مطابق گذشتہ روز امریکا کے وزیرخارجہ انتھونی بلینکن کی جانب سےکہا گیاہے کہ ایران کے لیے جوہری معاہدے میں واپسی اور اس میں تعاون کرنے کے لیے ’وقت ختم‘ ہوتا جا رہا ہے۔
یہ بات انہوں نے امریکی دارالحکومت واشنگٹن میں صہیونی وزیر خارجہ یائرلیپد اور متحدہ عرب امارات کے وزیر خارجہ شیخ عبداللہ بن زید النہیان کی ہمراہی میں ایران جوہری پروگرام سے متعلق پریس کانفرنس کے دوران کہی۔
پریس کانفندس میں انتھونی بلینکن کا کہنا تھا کہ جوبائیڈن حکومت کے آنے کے بعد سے ایران کے پاس اپنے ذمہ داری کا مظاہرہ کرنے کے لیے نو ماہ تھے۔
اگر ایران جوہری پروگرام کے حوالے سے تعاون نہیں کرتا تو پھر واشنگٹن تہران کی طرف سے ممکنہ خطرات سے نمٹنے کے لیے دیگر آپشنز پر بھی غور کر رہا ہے۔
خیال رہے کہ امریکا کے ایران کے ساتھ جوہری معاہدےکےحوالے سے ہونے والے مذاکرات تاحال جوں کے توں ہی ہیں اور کوئی پیش رفت نہیں ہو سکی ہے۔