(روزنامہ قدس ۔آنلائن خبر رساں ادارہ) قابض فوج کی اس جارحانہ کارروائی کے نتیجے میں اب تک کی موصول ہونے والی اطلاعات کے مطابق کسی قسم کا جانی نقصان نہیں ہوا ہے تاہم غزہ کے شہریوں خاص طور پر بچوں نے خوف کے سائے میں رات بسر کی۔
تفصیلات کے مطابق گذشتہ شب قابض اسرائیلی فوج کی جانب سےمقبوضہ فلسطین کے محصور علاقے غزہ کے مختلف حصوں میں بمباری کی گئی قابض فوج کے لڑاکا طیاروں کی شور سے غزہ ایک بار پھر لرز اٹھا جبکہ رفاح، خان یونس اور بیت لاحیہ پر صہیونی بم گرائے گئے ۔
قابض فوج کی اس جارحانہ کارروائی کے نتیجے میں اب تک کی موصول ہونے والی اطلاعات کے مطابق کسی قسم کا جانی نقصان نہیں ہوا ہے تاہم غزہ کے شہریوں خاص طور پر بچوں نے خوف کے سائے میں رات بسر کی۔
صہیونی فوج کے جاری کردہ بیان کے مطابق اسرائیل کی جانب سے گزشتہ 48 گھنٹو ں کے دوران غزہ سے داغے جانے والے تین راکٹوں کو ’’آئرن ڈوم ‘‘ فضائی دفاعی نظام کے ذریعے ناکارہ بنایا گیا تھا جبکہ اسرائیل سے غزہ پر ہونے والے اس حملے کے حوالے سے صہیونی فوج نے تاحال کوئی بیان جاری نہیں کیا ہے۔