صہیونی آبادکار کی فائرنگ سے 13سالہ فلسطینی بچہ زخمی

(روز نامہ قدس ۔آنلائن خبر رساں ادارہ ) صہیونی فوج کا دعویٰ ہے کہ 13 سالہ فلسطینی بچہ اس گروپ میں شامل تھا جس نے اسرائیلی شہریوں پر پتھراؤ اور مولوٹوف کاک ٹیل پھینکنے کی کوشش کی۔

مقامی ذرائع سے حاصل اطلاعات کے مطابق غیر قانونی صہیونی ریاست کی نام نہاد سیکیورٹی فورسز نے مقبوضہ بیت المقدس کے ضلع سلوان  میں  صہیونی آبادکار کی فائرنگ سے زخمی ہونے والے 13 سالہ فلسطینی  بچے کو ہی گرفتار کرلیا۔

ذرائع کا کہنا ہے کہ صہیونی آبادکار نے فلسطینی شہریوں پر فائرنگ  کی جس کی زد میں آکر فلسطینی بچہ زخمی ہوا تاہم اسرائیلی فوج نے زخمی فلسطینی بچے کو ہی گرفتار کرلیا، صہیونی فوج کا دعویٰ ہے کہ 13 سالہ فلسطینی بچہ اس گروپ میں شامل تھا جس نے اسرائیلی شہریوں پر پتھراؤ اور مولوٹوف کاک ٹیل پھینکنے کی کوشش کی۔