(روزنامہ قدس ۔آن لائن خبر رساں ادارہ)  صیہونی ریاست اسرائیل کی جانب سے مقبوضہ فلسطین میں ظلم اور بربریت اپنے عروج پر ،  صیہونی نیوی  نے فلسطینیوں کے لئے خود اپنی مرضی سے متعین کی گئی سمندری حدود میں بھی  مچھلی کے شکار کی اجازت نہیں ۔

فلسطین فشرمین کمیٹی کے سربرہ  احمد حمدان کی جانب سے جاری بیان میں بتایا گیا ہے کہ اسرائیلی نیوی نے محصور غزہ کے شمالی مشرقی علاقے الشجاعیہ میں ماہی گیروں پر اس وقت بلا اشتعال فائرنگ  شروع کی جب وہ اسرائیل ہی کی جانب سے مقررکردہ تین نا ٹیکل مائل کی سمندری حدود میں مچھلی کے شکار میں  مصروف تھے ۔بیان میں بتایا گیا کہ اسرائیلی فوج نے براہ راست ماہی گیروں پر فائرنگ کی  جس کے نتیجے  میں دو ماہی گیر معمولی زخمی ہوئے تاہم ماہی گیروں کی تین کشتیاں مکمل تباہ ہوئیں ۔

واضح رہے کہ غزہ گزشتہ تیرا سالوں سے اسرائیل کی جانب سے غیر قانونی محاصرے کا شکار ہے ، جبکہ اسرائیلی حکام نے  فلسطینی ماہی گیروں کو تیرا ناٹیکل مائل کی سمندری حدود میں شکار کی اجازت دی تھی لیکن پھر اس کی حدود کو کم کرکے تین  ناٹیکل مائل کردی تھی اور اب اس مقررہ حدود میں بھی فلسطینی ماہی گیروں پر فائرنگ کی جاتی ہے ۔