(روز نامہ قدس ۔آنلائن خبر رساں ادارہ )فلسطینی شہر جنین میں درجنوں فلسطینی شہریوں کا اسرائیلی جیل میں بھوک ہڑتال پر بیٹھے فلسطینی قیدی کے ساتھ اظہار یکجہتی کے لیے مظاہرہ،شرکا نے ان کی فوری رہائی کا مطالبہ کر دیا۔
تفصیلات کے مطابق جنین شہر میں درجنوں فلسطینیوں نے اسرائیلی جیل میں قید فلسطینی قیدی سلطان خالف کے ساتھ اظہار یکجہتی کے لیے مظاہرہ کیا۔اور انکی فوری رہائی کا مطالبہ کیا۔
یاد رہے کہ سلطان خالف ایک طویل عرصے سے انتظامی قید جیسے کالے قانون کے تحت صہیونی جیل میں قید ہیں اور حال ہی میں اسرائیلی حکام نے انکی قید کے دورانیے میں اضافہ کردیا ہے جس کے خلاف انہوں نے بھوک ہڑتال کا سلسلہ شروع کر دیا ہے جو اب ۱۵ ویں روز میں داخل ہو گیا ہے۔