(روزنامہ قدس ۔آن لائن خبر رساں ادارہ) اسرائیل مخالف سرگرمیوں میں حصہ لینے کی پاداش میں گرفتار ہونے والی 19 سالہ فلسطینی دوشیزہ چار سال صیہونی زندان میں گزارنے کے بعد گزشتہ روز رہا کردی گئی۔
19 سالہ فلسطینی دو شیزہ منار شویکی کو اسرائیلی فوج نے 2015ء میں اسرائیل مخالف سرگرمیوں میں حصہ لینے کی پاداش گرفتار کیا تھا، صیہونی عدالت نے منار شویکی کو چھ سال قید کی سزا سنا تے ہوئے بدنام زمانہ اسرائیلی جیل دامون میں ڈال دیا گیا تھا ۔
گزشتہ روز منار شویکی کی سزا میں تخفیف کرنے اور دو تہائی قید کی سزا ختم ہونے کے بعد اسرائیل کی مرکزی عدالت کے حکم پر رہا کردیا گیا۔
واضح رہے کہ اسرائیلی زندان میں 41 فلسطینی خواتین پابند سلاسل ہیں جب کہ مجموعی طور پر ساڑھے چھ ہزار فلسطینیوں کو تحریک آزادی میں حصہ لینے کی پاداش میں گرفتارکیا گیا ہے۔