(روز نامہ قدس ۔آن لائن خبر رساں ادارہ) قابض یہودی آباد کاروں کا نہتے فلسطینی شہری پر شدید تشدد۔حملہ آوروں نے الخلیل کے علاقے میں فلسسطینی شہری کو تشدد کا نشانہ بنایا،متاثرہ شخص کو قریبی اسپتال منتقل کر دیا گیا۔
تفصیلات کے مطابق اتوار کی شام اسرائیلی آباد کاروں کے ایک گروہ نے شہدا اسٹریٹ کے مقام پر ادریس زادہ نامی فلسطینی شہری کو تنہا پا کر شدید تشدد کا نشانہ بنایا اور تیز دھار آلات سے شدید زخمی کر دیا۔ بعد ازاں مقامی لوگوں نے ادریس کو قریبی اسپتال منتقل کیا۔
یاد رہے کہ مغربی کنارے پر یہودی آباد کاروں کے 503 ٹھکانے ہیں،جو کل رقبے کا چھیالیس فیصد حصہ گھیرتے ہیں،اور ان میں آٹھ ہزار سے زیادہ یہودی آباد ہیں جو کے آئے روز کسی نہ کسی فلسطینی شہری کو تنہا پا کر تشدد کا نشانہ بناتے ہیں۔ ارض مقدس پر غیر قانونی طور پر قابض یہودی آباد کاروں کے وہاں کے مقامی فلسطینیوں پر تشدد کے واقعات میں تیزی سے اضافہ ہوتا جا رہا ہے۔