(روزنامہ قدس ۔آن لائن خبر رساں ادارہ) فلسطینی وزارت اوقاف و مذہبی امور نے مسجد اقصیٰ پر شرپسند یہودی آباد کاروں کی کی جانب سے مسجد اقصیٰ کی مسلسل بے حرمتی پر شدید احتجاج کرتے ہوئے کہا ہے کہ صیہونی ریاستی سرپرستی میں ہونے والی مسجد اقصیٰ کی بےحرمتی ناقابل برداشت ہے ۔
فلسطینی وزارت وقاف کے سیکرٹری حسام ابو الرب نے کہا کہ مسجد اقصیٰ پر یہودی آباد کاروں کے روزانہ کی بنیاد پر جاری دھاوے فلسطینیوں کی مذہبی آزادی پرحملہ اور کھلی اشتعال انگیزی ہے۔
بیان میں کہا گیا ہے کہ اسرائیلی حکام اور صہیونی ریاست یہودی آباد کاروں کے دھاوے مذہبی آزادیوں، مساجد اور مقدس مقامات کو نقصان پہنچانے کی ازش کررہی ہے۔ انہوں نے یہودی آباد کاروں نے قبلہ اول پر مسلسل دھاوے بند کرنے اور مقدس مقام کی بے حرمتی روکنے کا مطالبہ کیا۔