مقبوضہ بیت المقدس (روز نامہ قدس ۔آن لائن خبر رساں ادارہ) اسرائیلی پارلیمنٹ نے وزیراعظم بنجمن نیتن یاھو کو وزیر دفاع کے تقرر کا مستقل اختیار دے دیا ہے۔
روز نامہ قدس کو موصول ہونے والی اطلاعات کے مطابق گذشتہ روز اسرائیلی پارلیمنٹ کے اجلاس کے دوران نیتن یاھو کو وزیر دفاع کے تقرر کے بل پر رائے شماری کی گئی۔ رائے شماری کے دوران 59 ارکان نے حمایت جب کہ 56 نے اس کی مخالفت کی۔ اس طرح یہ بل معمولی برتری کےساتھ منظور ہوگیا۔
خیال رہے کہ آوی گیڈور لائبرمین کی جانب سے وزارت دفاع کے عہدے سے علیحدگی کے بعد یہ وزارت عبوری طورپر نیتن یاھو نے اپنے پاس رکھ لی تھی۔
نیتن یاھو وزارت خارجہ کا قلم دان بھی سنبھالے ہوئے ہیں۔ اس بل کے بعد نیتن یاھو اپنی پارٹی کے کسی بھی رکن کو وزارت دفاع کا عہدہ سونپ سکتے ہیں۔ اس کے لیے پارلیمنٹ سے منظوری لینا ضروری نہیں۔