(روزنامہ قدس ۔آن لائن خبر رساں ادارہ) مقبوضہ فلسطین میں نہتے شہریوں پر صیہونی فوج کے مظالم جاری ، صیہونی فوج نے چھ فلسطینی نوجوانوں کو بغیر کسی جرم کے کئی ماہ گھروں میں نظر بند کرنے کا حکم دے دیا اور خلاف ورزی کی صورت میں سنگین نتائج کی دھمکیاں دیں۔
مقامی ذرائع کے مطابق صیہونی فوج کے خفیہ ادارے شاباک اور داخلی سیکیورٹی کے سربراہ کے حکم پر مقبوضہ بیت المقدس کے علاقے العیسویہ کے رہائشی چھ فلسطینی نوجوانوں کو بغیر کسی جرم کے اپنے گھروں میں نظر بند کرنے کا حکم جاری کیا ہے اور خلاف ورزی کی صورت میں سنگین نتائج کی دھمکیاں دی ہیں۔
فلسطینیوں میں انورسامی عبید کو 4 ماہ، محمد علیان علیان کو 4 ماہ، فائز محمد محیسن کو دو ماہ، محمد موسیٰ مصطفیٰ کو تین ماہ، آدم کاید محمود کو دو ماہ اور محمود رمضان عبید کو تین ماہ کے لیے ان کے گھروں میں نظر بند کرنے کا حکم دیا گیا ہے ۔