مقبوضہ بیت المقدس (روز نامہ قدس ۔آن لائن خبر رساں ادارہ) اسرائیل کی اہم سیاسی جماعت ’’یش عتید‘‘ کے سربراہ یائیر لبید نے کہا ہے کہ وہ اسرائیلی وزیراعظم بنجمن نیتن یاھو کے ساتھ حکومت میں اتحاد نہیں کریں گے۔ ان کا کہنا ہے کہ نیتن یاھو کو چاہیے کہ وہ اقتدار چھوڑ کر گھر بیٹھ جائیں۔ ان کے ساتھ سیاسی شراکت نہیں کی جا سکتی۔
روز نامہ قدس کو موصول ہونے والی اطلاعات کے مطابق اسرائیلی ریڈیو سے بات کرتے ہوئے یایئرلبید نے کہا کہ جس پر کرپشن کیسز اور بہت سے اسکینڈل ہوں اسے حکومت کا کوئی حق نہیں۔ اسے چاہیے کہ وہ گھر کو رخصت ہوجائے۔
لبید کا کہنا تھا کہ انہوں نے ’’یدیعوت احرونوت‘‘ کے ساتھ کسی اجلاس میں شرکت نہیں کی۔ انہیں پر کون سی خفیہ میٹنگز کا الزام ہے۔
ان کا کہنا تھا کہ سیاست دان ذرائع ابلاغ کے نمائندوں سے ملتے رہتے ہیں مگر نیتن یاھو مسلسل کذب بیانی اور دروغ گوئی کا مظاہرہ کر رہے ہیں۔