مقبوضہ بیت المقدس (روز نامہ قدس ۔آن لائن خبر رساں ادارہ) فلسطین کے علاقے غزہ کی پٹی سے میزائل حملوں کے بعد اسرائیل نے مزید کئی ایک مقامات پر فضائی دفاعی نظام ’’آئرن ڈوم‘‘ کی بیٹریاں نصب کردیں۔
روز نامہ قدس کو موصول ہونے والی اطلاعات کے مطابق اسرائیلی فوج نے غزہ میں کشیدگی کے بعد آئرن ڈوم کی نئی بیٹریاں نصب کی ہیں۔
ادھر اسرائیلی وزیراعظم بنجمن نتین یاھو نے کل اتوار کو جنوبی سرحد پر کشیدگی کے حوالے سے کابینہ کا خصوصی اجلاس طلب کیا ہے۔
یہ پیش رفت ایک ایسے وقت میں سامنے آئی ہے جب گذشتہ بدھ کو غزہ کی پٹی سے فلسطینی مزاحمت کاروں کے دو میزائل اسرائیل کے دارالحکومت تل ابیب میں جا گرے تھے۔ اس کے جواب میں اسرائیلی فوج نے غزہ کی پٹی پر 60 فضائی حملے کیے جن میں 5 شہری زخمی ہوئے ہیں۔