(روزنامہ قدس ۔آن لائن خبر رساں ادارہ)مقبوضہ فلسطین میں صیہونی فوج کے ہاتھوں بلا جواز چھاپوں کی نا رکنے والی کارروائیوں میں گھروں کی توڑ پھوڑ کے ساتھ بچوں کو اغواء کرکے نامعلوم مقام پر منتقل کیا جارہا ہے۔
ذرائع کے مطابق گزشتہ روز مقبوضہ فلسطین میں صیہونی فوجیوں نے مغربی کنارے کے شہر الخلیل میں گھروں میں تلاشی کے نام پر روایتی لوٹ مارکرتےہوئے دو فلسطینی بچوں 16سالہ محمود جابر اور 17 سالہ محند النتشہ کو انکے گھروں سے اغؤا کر کے نامعلوم مقام پرمنتقل کردیا جبکہ متعدد فلسطینیوں کو گرفتار کرلیا۔
واضح رہے کہ امریکی صدر ڈونلڈ ٹرمپ کی جانب سے مسئلہ فلسطین کے حل کیلئے تیار کردہ نام نہاد منصوبہ صدی کی ڈیل کے اعلان کے بعد سے مقبوضہ فلسطین میں صیہونی فوج کی انسانیت سوز کارروائیوں کے ساتھ ساتھ صیہونی آباد کاروں کی جانب سے بھی دہشتگردانہ حملوں میں غیر معمولی اضافہ دیکھنےمیں آیا ہے۔