(روزنامہ قدس ۔آن لائن خبر رساں ادارہ) قابض ریاست کی جانب سے بڑے پیمانے پر شروع کی جانے والی جنگی مشقوں کے دوران مارٹر گولہ پھٹنے سے چار صیہونی فوجی شدید زخمی ہوگئے ہیں ،واقع کی تحقیقات کی جارہی ہیں۔
قابض ریاست اسرائیل کے معروف اخبار "ٹائمز آف اسرائیل "کی رپورٹ کے مطابق اسرائیل کے شمالی علاقے میں بڑےپیمانے پر کی جانے والی فوجی مشقوں کے دوران مارٹر گولہ پھٹا جس کے نتیجے میں چار صیہونی فوجی زخمی ہوگئے ہیں =، اخبار نےلکھا ہے کہ اسرائیل فوج اس کی تحقیقات کررہی ہے تاہم ابتدائی تحقیقات سے معلوم ہوا ہے کہ اسرائیل فوج کے گولانی بریگیڈ ڈیویژن 36 کے اہلکاروں نے فوجی مشقوں کے دوران سخت سردی سے بچنے کیلئے آگ جلائی جس سے مارٹر کوگالہ پھٹا جس کے نتیجے میں چار اہلکار بری طرح زخمی ہوگئے جن کو فوری طورپر ‘زیو’ فوجی اسپتال منتقل کیا گیا ۔