(روزنامہ قدس ۔آن لائن خبر رساں ادارہ) لبنانی عالم دین نے کہا کہ بیت المقدس میں ایک ہفتے کے دوران قابض صہیونی فوج پر دو فدائی حملے اس بات کا ثبوت ہیں کہ فلسطینی قوم نے امریکا اور اسرائیل کے صدی کی ڈیل منصوبے کو مسترد کردیا ہے۔
لبنان کے دارالحکومت بیروت میں مسجد امامین الحسنین میں اجتماع سے خطاب کرتے ہوئے سرکردہ عالم دین علامہ علی فضل اللہ نے مقبوضہ بیت المقدس میں گزشتہ دو روز کے دوران فلسطینیوں کی جانب سے قابض صیہونی فوج پر ہونے والے دو فدائی حملوں کی تعریف کرتے ہوئے کہا ہے کہ قابض فوج پر ہونے والے فدائی حملےامریکا اور اسرائیل کے مزعومہ امن منصوبے’صدی کی ڈیل ‘ کا رد عمل ہیں ، ہم فلسطینی قوم کی اپنے حقوق، آزادی اور حق خود ارادیت کے لیے جاری جد جہد اور مزاحمت کی حمایت کرتے ہیں۔
انھوں نے کہا کہ امریکا کے سازشی نام نہا د امن منصوبے صدی کی ڈیل کے خلاف عالمی، عرب اور مسلم دنیا کا رد عمل جاری ہے، جس قدر خطرناک یہ منصوبہ ہے اس پر اتنا ہی سخت اور جرات مندانہ رد عمل بھی آنا چاہیے ۔