قیدیوں کےتبادلے پرقابض ریاست ہٹ دھرمی کامظاہرہ کررہی ہے،حماس

 (روزنامہ قدس ۔آن لائن خبر رساں ادارہ) حماس کا کہنا ہے کہ قابض اسرائیلی ریاست کی ہٹ دھرمی اور غیرلچک دار رویے کے باعث قیدیوں کے تبادلے کا معاملہ تعطل کا شکار ہے۔

فلسطین میں اسرائیلی مظالم کے خلاف برسرپیکار اسلامی تحریک مزاحمت ‘حماس’ کے سیاسی شعبے کے رکن موسیٰ دودین نے اپنے بیان میں اسرائیل کے ساتھ قیدیوں کے تبادلے کے حوالے سے کسی قسم کی بات چیت یا پیشرفت کی سختی سے تردید کی ہے۔

بیان میں انکا کہان ہے کہ اسرائیل کے ساتھ قیدیوں کے تبادلے کے حوالے سے کوئی پیشرفت نہیں ہوئی ہے،  اس حوالے سے ذرائع ابلاغ میں آنے والی تمام خبریں بے بنیاد ہیں بیان میں انھوں نے کہا ہے کہ قیدیوں کے تبادلے کے حوالے سے کوششوں میں جمود کا ذمہ دار اسرائیل ہے،  اسرائیلی ریاست کی ہٹ دھرمی اور غیرلچک دار رویے کے باعث قیدیوں کے تبادلے کا معاملہ تعطل کا شکار ہے۔

خیال رہے کہ سنہ 2014ء کی جنگ میں القسام بریگیڈ نے چار اسرائیلی فوجیوں کو جنگی قیدی بنانے کا دعویٰ کیا ہے تاہم ان کے حوالے سے مزید تفصیلات بیان نہیں کی گئیں۔