قبلہ اول  صیہونیوں کے نرغے میں ہے ،عالم اسلام دفاع کیلئے حرکت میں آئے ،حماس

(روزنامہ قدس ۔آن لائن خبر رساں ادارہ) مقبوضہ فلسطین میں اسرائیلی مظاللم کے خلاف برسرپیکار اسلامی تحریک مزاحمت ‘حماس’ کا کہنا ہے کہ ماضی کی نسبت قبلہ اول کو شدیدخطرات لاحق ہیں مسجد اقصیٰ صیہونیوں کے نرغے میں ہے اس کے تحفظ کیلئے علام اسلام فوری حرکت میں آئے ۔

حماس کی جانب سے 8 اکتوبر 1990ء کو صیہونی  فوج کے ہاتھوں مسجد اقصیٰ میں ہونے والے وحشیانہ قتل عام کی یاد میں جاری کئے گئے بیان میں مسجد اقصیٰ میں شرپسند یہودی آباد کاروں کے دھاووں اور مقدس مقام کی مجرمانہ بے حرمتی کو مذہبی اشتعال انگیزی اور صہیونیوں کی آگ سے کھیلنے کے مترادف قرار دیاہے۔

بیان میں کہا گیا ہے کہ شرپسند یہودی قیادت کی  نگرانی میں شرپسند یہودیوں آبادکاروں کا مسجد اقصیٰ میں گھس کر مقدس مقام کی بے حرمتی کرنا ناقابل قبول ہے اور فلسطینی قوم اس سنگین جرم پرخاموش نہیں رہے گی۔

بیان میں کہا گیا ہے کہ فلسطین کے بہادر مجاھدین قبلہ اول کےدفاع کے لیے سر بہ کفن ہیں اور مقدس مقام کے لیے ہرطرح کی قربانی دینے کے لیے تیار ہ یں۔حماس کی طرف سے یہ بیان مسجد اقصیٰ میں ۔حماس نے خبردار کیا کہ ماضی کی نسبت مسجد اقصیٰ زیادہ خطرے میں ہے۔ عالم اسلام کو قبلہ اول کے دفاع کے لیے فوری حرکت میں آنا ہوگا۔