(روزنامہ قدس ۔آن لائن خبر رساں ادارہ) صہیونی انٹیلی جنس ادارے نے امریکا کو قاسم سلیمانی کی نقل وحرکت کے بارے میں درست معلومات فراہم کیں جن کی روشنی میں امریکانے بغداد میں قاسم سلیمانی پرحملہ کیا۔
امریکی خبر رساں ادارے نے اپنی ایک رپورٹ میں بتایا ہے کہ بغداد میں ایرانی پاسداران انقلاب کی ذیلی تنظیم قدس فورس کے سربراہ جنرل قاسم سلیمانی پرقاتلانہ حملے میں صیہونی خفیہ ایجنسی موساد نے امریکا کی مدد کی موساد نے امریکی خفیہ اداروں کو سلیمانی کی دمشق سے بغداد روانگی کے بارے میں بتایا، امریکیوں نے سلیمانی کی مکمل تصدیق اور نشاندہی کے بعد اس کے خلاف فضائی کارورائی کی۔
دوسری جانب معروف امریکی اخبار’نیویارک ٹائمز’ نے اپنی رپورٹ میں انکشاف کیا ہے کہ امریکی صدر کے علاوہ اسرائیلی وزیراعظم واحد عالمی رہ نما تھے جنہیں سلیمانی کے خلاف کارروائی کے بارے میں آگاہ کیا گیا تھا۔
واضح رہے کہ حال ہی میں امریکی صدر نے دعویٰ تھا کہ سلیمانی چار امریکی سفارت خانوں پرحملوں کی منصوبہ بندی کررہے تھے۔