(روزنامہ قدس ۔آن لائن خبر رساں ادارہ) مقبوضہ فلسطین میں صیہونی فوج کی فلسطینیوں کی پرامن ریلیوں پر وحشیانہ تشدد کے نتیجے میں درجنوں زخمی متعدد بے ہوش جبکہ درجنوں کو گرفتار کرلیا گیا ۔
تفصیلات کے مطابق گزشتہ روز جمعہ کو "انتفاضہ الاقصیٰ” کی 19 ویں سالگرہ اور فلسطین میں اسرائیلی ریاستی دہشت گردی کے خلاف بہ طور احتجاج "کفر قدوم” کے مقام پر نکالی گئی ایک ریلی پرصیہونی فوج نے فائرنگ، لاٹھی چارج اور آنسوگیس کی شیلنگ کی جس سے درجنوں فلسطینی زخمی متعدد بے ہوش اور درجنوں کو صیہونی فوج نے گرفتارکرلیا ہوگئے۔
مقامی ذرائع کے مطابق اسرائیلی قابض فوج نے مظاہرے میں شریک افراد پر آنسو گیس اور ربڑ سے تیار کردہ دھاتی کی گولیوں سے حملہ کیا ، جس کے نتیجے میں درجنوں افراد دم گھٹنے سے زخمی ہوگئے۔
خیال رہے کہ کفر قدوم کے مقام پر فلسطینی شہری ہفتہ وار احتجاجی مظاہرے کررہے ہیں، اسرائیلی فوج فلسطینی مظاہرین کو منتشر کرنے کے لیے ان پر طاقت کا اندھا دھنداستعمال کرتی ہے۔
