مقبوضہ بیت المقدس کےمغربی کنارے پر قابض صیہونی فوج کی بربریت جاری،گزشتہ روزہونے والی تازہ جھڑپوں میں 8 فلسطینی شدید زخمی ہوگئے جبکہ 2 کو صیہونی فوج نے اغواء کرلیا۔
تفصیلات کے مطابق صیہونی فوج نے بیت المقدس کے علاقے شعفاط پناہ گزین کیمپ پردھاوا بولا گھر گھر تلاشی کے نام پر لوٹ مار کی اور دو فلسطینی نوجوان کو اغواء کرلیا جب پر فلسطینیوں کی جانب سے احتجاج کیا گیا ، صیہونی فوج نے مشتعل احتجاجی کرنے والوں کو منتشر کرنے کے لیئے آنسون گیس کے شیلوں کا استعمال کیا جبکہ ربڑ کی گولیاں بھی چلائیں جس سے چار فلسطینی شدید زخمی ہوگئے ۔
فلسطینی وزارت صحت نے دعوی کیا ہے کہ چار فلسطینی شہری شدید زخمی حالت میں ال خلیل اسپتا ل میں لائے گئے،جہاں انکو فوری طبی امدا د مہیا کی گئی۔
وزارت صحت کے مطابق چار میں سے دو شہری ربڑ کی گولیوں کا نشانہ بنے جب کے دو کوقابض اسرائیلی فوج نے جسمانی طور پر شدید تشدد کا نشانہ بنایا۔
ادھر بیت المقدس کے شہر الخلیل میں اسرائیلی فوج نے 4 فلسطینوں کو تشدد کا نشانہ بنایا اور گرفتار کرکے نامعلوم مقام پر منتقل کردیا ، ذرائع کا کہنا ہے کہ نہتے شہریوں پر اس وقت حملہ کیا جب وہ ممکنہ امریکی صدی ڈیل کے تناظر میں ہونے والی منامہ کانفرنس کے خلاف احتجاج کر رہے تھے۔